Non hic auratis ornantur prandia fulcris
Assyrius murex nec tibi simma dabit.
Nec per multiplices abaco splendente gauessas
Ponentur nitidae codicis arte dapes.
5
Nec scyphus hic dabitur, rutilo cui forte metallo
Crustatum stringat tortilis ansa latus.
Vina mihi non sunt Gazetica, Chia, Falerna,
Quaeque Sarapteno palmite missa bibas,
Sed quidquid tenuis non compleat copia mensae
10
Suppleat hoc, petimus, gratia plena tibi.